Gujarat-ah swine flu vangin mi 208 an thi tawh

0
362
views

Kuminah Swine flu avangin Gujarat-ah mi 208 an thi tawh a, Swine flu vei mi 994 vel, damdawi inah enkawl mek an la ni tih state sorkarin a sawi. State Health Minister, Shankar Chaudhary-a chuan Swine flu leng tur ven nan sorkarin theih tawp a chhuah niin a sawi a, hmun hrang hrangah health worker 17,000 leh doctor 5,000 vel thawn chhuah an ni tawh niin a sawi. Kumin January ni 1 atanga tun thla ni 15 inkar chhung khan he state-ah hian Swine flu vei, mi 1,883 an awm tih hmuh chhuah a ni a, June thla thleng kha chuan mi 256 velin damdawi in an pan a, mahse July thla atang khan Swine flu avanga doctor hnena inentir mi 322 vel an awm belh a, tun thla ringawtah pawh mi 1,305-in Swine flu an vei tih hmuh chhuah a ni.