Delhi High Court-ah bomb a puak dawn tih thu a than avangin vawiin khan police-te an buai hle a, chawhma dar 10:54 khan Delhi hmarchhak lama Bhajanpura atangin mi tu tih hriat lohin Police Control Room chu phone hmanga biain, Delhi HC-ah bomb a puak dawn tih a hrilh a, hemi hnu hian bomb sut thiam leh kang thelh pawlte chuan rang takin HC hi an pan nghal a, court chhung leh a chhehvel an endik hnuah bomb emaw puak thei thil emaw pakhatmah an hmu lo a ni. Phone-a police betu hian thu dik lo a sawi tih nemngheh a ni tawh a, police-te chuan amah hi zawn chhuah tumin an bei mek a, a phone number hi Uttar Pradesh thlang lama mi a ni tih an hre tawh a ni. Kum 2011, September thla khan Delhi HC luhna gate bulah bomb tihpuah a ni a, mi 11 an thi a, midang 80 vel an hliam a ni.
Chanchin Thar Delhi High Court-ah bomb a puak dawn nia hriat vangin police te...
