Gujarat-ah swine flu vangin mi 8 thi leh

0
335
views

Gujarat-ah nimin khan swine flu avangin mi 8 an thi leh a, kumin January thla atang khan swine flu avanga thi hi mi 288 an tling tawh a ni. Nimin tlaia state sorkar thuchhuah tarlan danin, tunah hian swine flu vei, mi 1,877 vel, damdawi inah enkawl mek an ni a, heng zinga 22 chu oxygen hmanga thawktir an ni a, swine flu vei mi 193 vel hmu chhuah belh an ni bawk. Sorkar laipui hnuaia thawk, he natna chungchanga mi thiamte chuan vawiin khan Gujarat an tlawh a, state Health Minister, Shankar Chaudhary leh Health dept. hotute hmuin, he state chhunga mimal enkawl damdawi in pawh swine flu veite enkawl dan zirtir turin an hrilh nghal a ni.