Gujarat Assembly inthlannaah VVPAT 75,000 vel hman a ni dawn

0
410
views

Election Commission-in kumin kum tawp lama Gujarat Assembly inthlannaah vote thlakna khawl nena thlun zawm tur, Voter Verifiable Paper Audit Trail 75,000 vel hman a ni dawn tih nimin khan an sawi a, tunah hian VVPAT 60,000 vel a thleng tawh nia hriat a ni a, kar lehah 15,000 dang a thlen belh beisei a ni. Gujarat bakah hian, Himachal Pradesh Assembly inthlanah pawh VVPAT hi hman a ni dawn a ni. Gujarat-a EC hotu pakhat sawi danin, VVPAT 60,000 chuang an dawng tawh a, heng bakah hian Bharat Electronics Ltd hnen a\angin VVPAT 10,000 leh Electronics Corporation of India hnen a\angin VVPAT 5,000 dang an la dawng leh dawn a, chawlh kar khat chhunga a thlen fel hman beisei a ni. VVPAT khawl hmang hian vote thlaktuten an vote a kal dik leh dik loh an hmu thei dawn a, Gujarat Assembly inthlanna atana inpuahchahna kal zelah, kar leh Thawh\anni hian electoral roll tar chhuah a ni ang a, Chief Election Commissioner Nasim Zaidi, Election Commissioner Om Prakash Rawat leh Sunil Arora bakah EC thuneitu dangten he state an tlawh hnu-ah inthlan hun tur hi puan a ni ang.