James Mattis-a’n ni hnih cham turin kar lehah India a rawn tlawh dawn

0
470
views

US Defence Secretary, James Mattis-a’n ni hnih cham turin kar lehah India a rawn tlawh dawn a, PM, Narendra Modi-a leh Defence Minister, Nirmala Sitharaman-i a kawm ang. Tun hi US President, Donald Trump-a kaihhruai sorkar mi pawimawhin India ram a rawn tlawh vawi khatna tur a ni a, Pentagon sawi danin, Pu Mattis-a hi US-in India a ngaih pawimawhzia leh India chu a \hian \ha a ni tih nemngheh nana zin tur a ni a, Asia khawmualpui chhim lam chauh ni lo, khawvel pum huapin ram pahnih hian tum thuhmun an nei tih chu a thupui ber a ni dawn a ni. US Defence Secretary hian Thawhlehni, ni 26-ah India a lo thleng ang a, a cham chhung hian India Gate-a sipaite hriatrengna hun pawimawh hmanna-ah a tel ang a, mi pawimawhte nena an inkawmnaah Afghanistan rama buaina chin fel kawnga India sorkar inpekna leh tlawmngaihna chu US-in a ngaih hlutzia a hrilh dawn niin Pentagon chuan a sawi a ni.