Thla thar chawlhkar hmasaa intan tur, Muslim hun pawimawh, Haj hmang turin Saudi Arabia rama Mecca-ah mi mtd. 2 chuang an fuan khawm tawh a, kum 2015-a Haj hmangtute inchilhlumna rapthlak takah khan mi 2,300 vel an thih avangin, Saudi ram thuneitute chuan kawng hrang hranga fimkhur lehzual dan tur an ngaihtuah a ni. Tun hi Arab ramten Qatar an kawmserh hnua Haj hman vawi khatna tur a ni a, June ni 5 atang khan Muslim ram thenkhatin Qatar hi an kawmserh avang leh, lawng leh thlawhna hmanga tlawh an khap avangin, Qatar mite tan Haj hmang tura kal hi a khirh hle a, Islamic State mi firfiakte pawi khawih theihna lian tak a awm bawk avangin, Saudi sorkara Interior ministry thupuangtu, General Mansour al-Turki chuian Haj kawngah hian sipai nuai khat chuang dah an nih tur thu a sawi.
Chanchin Thar Haj hmang turin Mecca-ah mi mtd. 2 chuang fuan khawm tawh
