Haryana sorkar chuan an state chhunga damdawiin hrang hrangte hnenah, Aadhaar Card neih loh vanga damlo hnar lo tur leh enkawlna tikhawtlai lo turin a ti. Sorkar thuchhuak chuan Aadhaar Card chauh pawh ni lo, an nihna finfiahna tur lehkha engmah nei lo pawh ni se, damlo reng reng thliar lo turin damdawiin zawng zawng a hriattir a ni. Puan tawh angin kar kalta khan raipuar pakhat chu Aadhaar Card a neih loh vangin Guruguram damdawiinten an enkawl duh lo nia sawi a ni a, state sorkar hian he thil thleng vang hian thupek hi a chhuah nia hriat a ni a, an thuchhuah zawm duh lotute chu hrem theih an nih thu leh an hrem ngei tur thu Health Services Director General Dr Satish Kumar chuan a sawi a ni.
Chanchin Thar Haryana sorkarin Aadhaar nei lo damlo hnar lo tur leh enkawl turin...
