Maharashtra-a nimina Hindu pathian, Ganesha chawimawina kut, Ganesh Chaturthi kharnaa mipuiten tuifinriat, dil leh luia Ganesha lim an hnim pilnaah mi 15 an thi. Police-te sawi danin, nizan dar 11 thleng khan Aurangdabad district-a Bidkin khuaah tuiah mi pathum an tla hlum a, Pune khawpuiah mi pali, Jalgaon-ah mi pahnih, Nashik leh Beed-ah mi pakhat ve ve an thi a, vawiin khan Nashik, Ahmednagar, Satara leh Parbhana-ah mi pakhat theuh an tih report an dawng bawk a, an thih chhan tak hi hriat a la ni lo a ni. He kut hi ni sawm chhung awh niin, thla hmasa ni 25 atang khan lawm tan a ni a, a tawp ni-ah hian an pathian sai lu nei, Ganesha lim hi Hindu sakhaw betute chuan tuiah an hnim thin a ni.
Chanchin Thar Hindu pathian chawimawina kût-ah mi 15 thi
