Manipur Development Society-a eirukna police ten chhui mek

Manipur Police-te chuan Manipur Development Society-a eirukna chungchang an chhui tan a, he thil nena inkungkaihna nei, file pawimawh eng emaw zat an hmu tawh nia hriat a ni. MDS thuneitu, Yambem Ningthem-a chenna in, ni hnih chhung vel daptu, SDPO, Ghanashyam Sharma-a chuan inhnamhnawiha rinhlelh dangte chenna in pawh a la dap leh dawn nia hriat a ni a, tun thla ni 1 khan state CM hlui leh eptu pawl hruaitu, Okram Ibobi Singh, Chief Secretary pathum leh MDS administrative officer S Ranjit-a te lakah FIR theh luh a ni. Thuhretute sawi danin, Manipur Development Society hnenah hian Loktak dil-a tui lam infiamna hmun sakna tur atan cheng vbc. 185 leh nuai 79 hman phalna pek a ni a, he sum hi tihchingpen nia sawi a ni. Eptu pawl, Congress chuan he thil hi politics thila inbeihna niin a sawi a, CM, N Biren Singh-a erawh chuan politics a inrawlh lo nia sawiin, FIR thehluhah pawh tumah puh chhiat an ni lo niin a sawi a, Police-te hian sum tihchingpen chungchanga an thu dawn an bawhzui mai niin a sawi bawk.