Hlawh lak loh vangin NHM hnathawkte’n harsatna tawk

0
761
views

Health Department-a National Health Mission hnuaia thawktu thenkhatin thla engemaw zat hlawh an lak tawh loh avangin harsatna an tawk nia thu dawn a ni a, ZONET thu dawn danin, NHM hnuaia thawktu thenkhat chuan thla 5 vel hlawh an la tawh lo a, hemi avang hian harsatna pawh an tawk nual a, an theih ang angin ngamtlak leh lainate pawisa te an puk hlawm a ni. NHM Mission Director, Dr Lalrozama chuan, sorkar laipui atanga pawisa an hmuh mai loh avangin thawktute hlawh hi pek mai theih a ni lo niin a sawi a, tun hnaiah sorkar laipuiin cheng vaibelchhe 6 vel a rawn pek avangin, thawktute hlawh hi May thla thleng pek theih a ni dawn niin a sawi. Dr Lalrozama chuan, sorkar laipuiin sum a rawn pek tlai chhan chu Mizoram sorkarin a tum ve tur pawisa, a huna a pek theih loh vang nia sawiin, hemi avanga harsatna thleng thin chu chin fel chhoh zel a nih thu a sawi. Dr Lalrozama chuan, sorkar kum liam ta, 2016-17 khan Mizoram sorkar tum ve tur an dil chu cheng vbc. 9 vel a ni a, cheng vbc. 6 leh nuai 33 an hmu tawh a, tunah hian cheng vaibelchhe 3 leh nuai 11 an dil leh mek nia sawiin, hei hi Mizoram sorkarin a pek theih chuan sorkar kum kal meka hnathawhna tur sum chu sorkar laipuiin a rawn pek tur thu leh tunah hian NHM hnuaiah programme 30 chuang bawhzui a nih thu a sawi.