Mamit-a District Urban Development Office thar Pu John Rotluangliana’n hawng

0
391
views

Mamita District Urban Development Office thar chu Food & Civil Supplies and Consumer Affairs Minister, Pu John Rotluangliana’n vawiin khan a hawng a, he office thar hi Mamit District mipuiten faina leh in leh lo din kawnga hma an sawn theihna tur niin a sawi. Minister chuan, Mamit District-a miten chenna in tur an sak theihna turin UD&PA Department-in Bank loan a laksak dawn nia sawiin, mipuite tih tur chu an loan lak, tha taka rulh a ni a ti a, Mamit khawpuiin hma a sawn theihna turin hmathlir thui tak neia thil ruahman fel a tul niin a sawi bawk. Dist. Bawrhsap, Pi Lalbiaksangi chuan tun hma lamah District Urban Development Office hi Mamitah a awm loh avangin sorkar laipui atanga tanpuina lo kal tur tam tak an hmu loh phah niin a sawi a, he office hawn hnuah hi chuan hetiang harsatna hi a awm dawn tawh lo niin a sawi a ni.