Hmarchhak State-ah Tripura chu hri kai tamna ber a ni chho zel a, Border Security Force-a battalion pathum-ah Coronavirus kai 134 an awm a, Tripura-a case awm zawng zawng chu 150 a tling tawh a ni.

0
9
views

Biplab Kumar Deb-a kaihhruai Tripura sorkar chuan coronavirus do zel dan tur ngaihtuahin hri kaite enkawlna tur bik atan youth hostel a buatsaih a, tun dinhmunah khum 300 a dah tawh a ni. Hei bakah hian GB Pant Hospital leh IGM Hospital te chu coronavirus kai damlote enkawl nan a buatsaih bawk.

Hetihlai hian Assam-ah chuan mi 63 kai zingah mi 34 enkawl dam tawh an ni a, mi 2 an thi a, mi 27 enkawl mek an ni. Assam-ah hian khawsik, hritlang leh thawk lama harsatna tawkte sample lakhawmin coronavirus kai an nih leh nih loh endik mek a ni.