State 10 leh union territory zawng zawngah darkar 24 chhungin hri kai thar an awm lo tih Union Health Minister, Harsh Vardhan-a’n a sawi.

0
16
views

Vardhan chuan state 10 leh UT-ah te case thar a awm lo chu lawmawm a tih thu sawiin chung state leh UT te chu Andaman and Nicobar Islands, Arunachal Pradesh, Dadra and Nagar Haveli, Goa, Jammu & Kashmir, Ladakh, Manipur, Odisha, Mizoram leh Puducherry te a ni tih a sawi a, hetihlai hian hri kai tamna ber state Maharashtra-ah chuan Pathianni khan hri kai thar mi 1,278 an awm a, heng mite nen hian Maharashtra-ah mi sing 2, sang 2 vel hri kai an awm tawh a, mi 800 chuang an thi tawh a ni. Mumbai chu coronavirus tuar nasa ber khawpui a ni a, tun dinhmunah mi sing 1, sang 3, 500 kai an awm a, mi 500 dawn an thi tawh a ni.

Tamil Nadu-ah pawh Pathianni khan case thar 669 hmuh belh a ni a, mi 3 an thi bawk. Tamil Nadu-ah hian mi sang 7,200 chuang hri kai an awm mek a, Chennai-a thlai leh theirah man tlawm zawka zawrhna bazar chu hri inkaidarhna hmun zingah a tel a, heta \ang hian mi tam takin an kai tih hriat a ni. Hetihlai hian vawiin a\ang khan hri kai tlemna hmun district-ah te chuan inkharkhip sorkarin a thlahdul \an a ni.