Hnathawktu tangkhangte, an state theuha phur hawtu tur relte ngawrh takin an tlan tan tih Railway Ministry in a sawi.

0
14
views

Shramik Special train hi an kalna tur state-ah an thlen tawpna ber tur bakah hmun dang pathum zelah an ding ang a, hei hi state hrang hrangte ngenna anga tih hlawhtlin a ni tih Railway Ministry chuan a sawi.

Shramik Special Train ah hian pindan 24 zel a awm a, pindan tinah passenger 72 an chuang thei a, tun dinhmunah chuan social distancing zawm a tul avangin pindan tinah mi 54 zel chauh chuantir an ni.

Railway hian tangkhangte phurh haw-na tur nikhatah rel 300 a tlantir thei a, a tlan zat hi tihpun tum a ni a, ni reilote chhungin hnathawktu tangkhang, a tam thei ang ber an chenna in hruaithlen an tum tih Railway lam hotu pakhat chuan PTI a hrilh a ni.

Gujarat leh Kerala te chu hnathawktu tangkhang tamna ber State a nih laiin Bihar leh Uttar Pradesh te chu state danga an mi leh sa tangkhang ngah ber an ni thung.

Tangkhang phurh hawte hi Rel chuan man chawitir an nih chungchangah sorkar lam chuan Railway in chuan man zaa 85 a tihhniam tawh avangin a bak zaa 15 chu state sorkar te tum ve tur a ni tih a sawi.