Honeypreet Insan-i chu police-ten ni 6 chhung an hreng dawn

0
320
views

Haryana-a sakhaw pawl pakhat, Dera Sacha Sauda hruaitu, pawngsual thubuai avanga lung in tang mek, Gurmeet Ram Rahim Singh-a fanu, Honeypreet Insan-i chu nimin khan police-ten an man a, ni 6 chhung an hreng dawn a ni. Honeypreet-i hi man a nih hnuah Haryana-a Panchkula-a Chandimandir police station-ah tukin dar 3 thleng thu an zawt fiah nia sawi a ni a, hriselna lama insawiselna a neih avangin rei lote chhung damdawi in panpui a ni a, doctor-te chuan a dinhmun a \ha vek niin an sawi. Puan tawh angin, Honeypreet-i hi lung in a\anga a pa hruai chhuah tumah leh sorkar laka hel tura mipuite fuih pawrha puh a ni a, Panchkula court-in a pa thiam loh a chantir hnu khan an awmna chin hriat a ni lova, News 24-in an kawmnaah Honeypreet-i hian Ram Rahim-a chu hmeichhiate dinhmun chawisangtu niin a sawi a, amah vang hian hmeichhe tam takin chakna thar an neih phah nia sawiin, heti chunga pawngsual thubuaia thiam loh chantir a ni chu mak a tih thu leh, Punjab leh Haryana High Court hmaa inlan pawh a hnial loh thu a sawi bawk.