Kum 2019 Lok Sabha inthlanpuia hmarchhak biala BJP kaihruai turin Union minister, Ravi Shankar Prasad leh Assam minister, Himanta Biswa Sarma ruat an ni

0
556
views

BJP-in kum 2019 Lok Sabha inthlanpuia hmarchhak biala seat 20 tal lak tuma beihpui a thlak tur kaihruai turin Union minister, Ravi Shankar Prasad leh Assam minister, Himanta Biswa Sarma ruat an ni a, tuna eptu lam MP 13 te bial pawh lak vek theih an tum a ni. BJP President, Amit Shah chuan hmar chhak biala state 8-a beihpui thlak dan tur hi a ruahman a, Congress ni lo pawlte thawh hona, Northeast Democratic Alliance (NEDA) dinin, he biala MP 25 zinga 20 tal, an party mi an nih theih dan tur a ngaihtuah a, kum 2014 inthlanpuiah khan NDA hian hmar chhak bialah hian Lok Sabha bial 11 an la a, BJP-in Assam-a bial 7 leh Arunachal Pradesh-a bial 1 an la a, an thawhpui, Naga Peoples Front, Sikkim Democratic Front leh National People’s Party-in bial 1 \heuh an la a ni. Kum 2014 khan Congress-in Assam-a Lok Sabha bial 3 – Silchar, Autonomous districts leh Koliabor bial a la a, All India United Democratic Front-in Barpeta, Dhubri leh Karimganj a la thung a, Kokrajhar seat chu Independent-in a la a ni. Congress-in Meghalaya, Mizoram leh Arunachal Pradesh-ah bial khat \heuh, Manipur-ah bial hnih an la a, Left Front-in Tripura-a Lok Sabha bial hnih an la bawk.