Hurricane Irma-in Cuba thleng

0
842
views

US-a Florida state pan mek, thlipui na tak, Hurricane Irma chuan Caribbean biala thliarkar ram a nuai hnuah, vawiin khan Cuba rama Caibarien khawpui a thleng a, he thlipui hi darkar khata km 260-a vela chaka thawkin, darkar khata km 20 vela chakin khaw thlang lam a pan niin America rama khaw chin zir miten an sawi. Hurricane Irma avang hian Florida mipuite chuan an in leh lo chhuahsanin hmun hima ngaihah an insawn tawh a, khaw chin zir mite chuan Pathianni hian Florida chhim lam chu thlipui hian a nuai dawn niin an sawi a, Florida sorkar thuneitute chuan thlipui hi a huphurhawm hle tih sawiin, Florida-ah hian chhiatna rapthlak tak a thleng thei niin an sawi. Puan tawh angin, Hurricane Irma hi kum 100 hnua thlipui tleh tawh zawng zawngah a la na ber nia sawi a ni a, thlipui hlauhawm zawng tehnaah pawh a sang ber, Category 5 a ni.