Nashik District Hospital-ah thla hmasa khan nau piang hlim 55 chuang an thi

0
302
views

Maharashtra-a Nashik-a damdawi in, Nashik District Hospital-ah thla hmasa khan oxygen hman tur indaih lohna leh chhan dangte avangin nau piang hlim 55 chuang an thi a, Dr GM Hole-a sawi danin, he damdawi inah hian oxygen hmanga inthawktirna khawl, ventilator a awm lo niin a sawi a, thla hmasa khan he damdawi inah hian naupang leh nausen 350 vel dah an ni. Nashik District Hospital-ah hian thla nga vel kal ta chhung khan naupang leh nausen 187 vel an thi tawh nia hriat a ni a, nimin khan state Health Minister kaihhruaiin damdawi ina hmanraw indaih lohna chungchang hi sawi ho a ni. Puan tawh angin, Uttar Pradesh-a Gorakhpur damdawi ina ni 5 chhunga nausen leh naupang 60 chuang an thih hnu khan, Farrukhabad district-a damdawi inah pawh thla hmasa khan naupang 49 vel an thi a ni.