Hurricane Irma thawk vangin Florida-ah mi 50 thi tawh

0
376
views

US-a thli leh ruahpui thawk mek, Hurricane Irma avanga Florida-a thi chu mi 50 an tling tawh. Florida Division of Emergency Management chuan Keys thliarkar-a chenna in hmun thuma \hena hmun khat vel chhiat vek bakah, za zela 65 chu siam \hat ngai niin an sawi a, Florida state-a kawlphetha pek chhuahna hrang hrangte siam \hat mek a nih avangin, mi 3,70,000 vel chu eng nei loin an la awm niin an sawi bawk. Puan tawh angin, Hurricane Irma hi darkar khata km 295 vela chakin a thawk a, thlipui nat zawng tehna-a a sang ber dawttu, Category 4 a ni a, Florida a thlen hma hian Caribbean thliarkar a lo nuai tawh bawk a, mi 40 vel an thi a ni.

Caribbean-ah hian Category 4 tho, Hurricane Maria kalkawnga awmte chu an inbuatsaih nasa hle a, vawiin khan he thlipui hi darkar khata km 250 vela chakin a thawk a, thlipui nat zawng tehna-a a sang ber, Category 5-ah chho-in Dominica thliarkar a nuai a, he ram PM, Roosevelt Skerrit chuan \anpuina an mamawh thu sawiin, hmun hrang hrangah mahni insaseng thei lo an awm b^kah, damdawi lam thiamte leh an inenkawlna tur damdawi pawh an mamawh tih a sawi a, an ram chhungah thil him sawi tur a awm meuh lo niin a sawi bawk. Mi thiamte chuan zanin hian Hurricane Maria hian Virgin Islands leh Puerto Rico a thlen an rin thu leh, tun aia na zawk hian a la tleh dawn nia an hriat thu an sawi bawk.