Myanmar sorkarin Rohingya buaina chungchanga thil a tih dan endik hlau lo- Aung San Suu Kyi

0
412
views

Myanmar hruaitu, Aung San Suu Kyi-i’n sorkarin Rohingya buaina chungchanga thil a tih dan chu endik a hlauh loh thu a sawi a, hei hi Rakhine state-a tharum thawhna avanga Rohingya Muslim nuai li chuang, Bangladesh rama an ral tlan hnua hemi chungchang a sawina hmasa ber a ni. Hemi chungchangah hian Suu Kyi hian dem a kai hle a, Rohingya bialah hian tharum thawhna a tawp tawh nia sawiin, chawlhkar hnih chhung chu thil thar engmah a thleng tawh lo niin a sawi bawk. Myanmar Parliament-a sap\awngah a thu sawiah Aung San Suu Kyi chuan, he buaina tuartute tuarna zawng zawng chu a tuarpui thu leh, Myanmar sorkarin hnam tin tana a \ha thei ang bera engkim chin fel a duh thu a sawi bawk. Suu Kyi hi UN General Assembly-ah a tel lova, Myanmar sorkar thil tih dan erawh chu khawvelin hria se a duh thu a sawi a ni. He thu a sawi hnu lawkah hian Geneva-ah UN Human Rights Council chuan, Myanmar rama Rohingya Muslim-te chunga thil thlen dan, fiah fai taka an hriat theih nan he bial hi khuahkhirhna awm lova fan chhuah vek a duh thu a sawi nghal a, Rakhine bialah hian kum tam tak chhung, tharum thawhna thleng zeuh zeuh tawh mah se, thla hlui a\ang khan buaina hi a nasa zual a, Rakhine Muslim hel hovin police hmun beiin, mi 12 an that nia sawi a ni a, a titute hi pawl ding thar deuh, Arakan Rohingya Salvation Army an ni. Hemi hnu hian Myanmar sipaite thinrimin Rohingya Muslim te hi kut an thlak ta chiam a, UN Human Rights hotu phei chuan, sipaite thil tih chu a chi suata suat tumna ni hialin a sawi a, Rohingya Muslim tam tak chuan Bangladesh an pan nghal a, an khua chu sipaiten an halsak nia sawiin, Myanmar sipaiten an nghaisa nasa hle niin an sawi a ni. Myanmar sorkar chuan Rohingya tih hi a hmang duh lova, Bengali Muslim tiin a sawi \hin a, Muslim deuh vek, Rohingya ho hi dan lova Bangladesh a\anga Myanmar rama l<t an nih avangin, Myanmar sorkarin khua leh tuiah a pawm duh lo a ni. Suu Kyi-i chuan Muslim tam ber chu Rakhine-ah hian an la chen zui avangin, harsatna an tawk vak lo tih a lang niin a sawi a, Muslim zinga la cheng zui leh raltlante pawh, an dinhmun chiah hre tura biak a duh thu sawiin, Rakhine-a Muslimte dinhmun siam \hat tumin sorkarin hriselna, zirna leh thil dangah pawh \an a la reng niin a sawi bawk. Bangladesh-a BBC aiawh, Jonathan Head erawh chuan, tun thla ni 5 a\ang khan Rohingya Muslim-te lakah engmah a thleng tawh lo nia Suu Kyi-i sawi chu hnialin, hemi hnu hian an khua pawh a kang ngei tih a hmuh thu a sawi a, Suu Kyi-i hian a sipaite ch>t dan hi a hmu lo der niin a sawi a ni.