ICU nei loten damlo an zai ve tur a ni lo- Supreme Court

0
450
views

Damdawi enkawlna, nursing home-te zinga damlo na zual enkawlna, intensive care unit (ICU) nei lote chuan damlo an zai ve tur a ni lo tih Supreme Court-in a sawi a, ICU awm lohna hmuna inzai hian damlo nunna chu dinhmun hlauhthawnawmah a dah niin a sawi. Justice Adarsh Kumar Goel leh U U Lalit-a awmna bench-in he thu hi vawiin khan a puang a, mi pakhat, Bijoy Kumar Sinha chuan Kolkata-a Ashutosh Nursing Home-ah a nupui chu Dr Biswanath Das-a’n a chhul paih turin a zai a, he nursing home-ah hian ICU an neih loh avangin a nupui chu a tukah a thi ta mai nia sawiin, hemi chungchang hi court sang berah hian a thlen a, kum 23 hnu-ah leh, a fapa, Soumik-a’n a nu chungchang hi a bawhzui hnuah court thuremna hi a chhuak ta chauh a ni. Court chuan Soumik-a hi a nu thih chungchangah hian zangnadawmna, cheng nuai 5 pek ni se a ti bawk.