Meghalaya-a UDP-in nakkuma inthlanna tura an candidate tur puang

0
848
views

Meghalaya-a eptu pawl, United Democratic Party-in nakkuma state Assembly inthlanna tura an candidate tur 28 an puang a, thla leh lamah candidate dangte hming pawh an puan leh tur thu, an President, Donkupar Roy-a chuan a sawi. He state-a inthlan hun tur hi hriat a la ni lo a, Donkupar Roy chuan, an candidate tur 28 zinga 18 chu Khasi Jaintia Hills-a ding tur an ni a, candidate 10 dangte hian Garo Hills-a bial hrang hrang an chuh dawn a ni. UDP President tiamin, party MLA ding lai, 8 chu candidate zingah hian an tel a, Pu Roy-a hian East Khasi Hills district-a Shella bial a chuh dawn a ni. UDP hi hmarchhak biala BJP kaihhruai pawl, North East Democratic Alliance member a ni a, member 60 awmna, state Assembly-ah hian rorel lai party, Congress-in MLA 30, UDP-in 8, Hills State Peoples Democratic Party-in 4, NCP leh NPP-in 2 ve ve an nei a, a bak zawng hi chu Independent member an ni