India in France hnen a\anga indo thlawhna Rafale Jet 36 a lei tur chungchangah politics boruak a sosang thar leh hle.

0
367
views

 

France President hlui Francois Hollande a’n indo thlawhna siamchhuaktu Dassault in thawhpui tur an thlan danah an inrawlh loh thu leh India sorkarin Ambani Group chu an rawt a nih thu a sawi chuan politics ah boruak thar a siam a, Dassault hian thuchhuah siam zui nghalin, an thawhpui tur company thlan thuah sorkar a inrawlh lo tih an sawi.

Congress party chuan Dassault thu chhuah siam hian eng thil mah a hailang chuang lo a, thil inthup a tam zia a ti lang zawk a ni an ti a, BJP lam chuan congress thu dik lo vawrhdarh chu Dassault thu chhuah hian a hailang a ni an ti ve thung.

Indo thlawhna lei thuah hian Anil Ambani-a company, Relliance Defence chu Dassault hian thawhpui turin an thlang a, India leh France inremnaah cheng vbc 30,000 hu tal India in hlawkna a tel let ve tur a ni tih tarlan a ni a, Reliance Defence hian indo thlawhna chu a siam ve dawn lo a, thlawhna siamna hmanraw \henkhat an siam thung ang.

France sorkar chuan Dassault hian India company te zingah a duh zawng thawhpui a thlang thei a, sorkar a inrawlh lo a ni an ti a, Congress thupuangtu Manish Tiwari chuan France sorkar thuchhuah chuan thil awmdan dik tak hailan aiin thup a ngah zawk a ni a ti a, Union Minister Ananth Kumar chuan congress party in thu dik lo an vawrh darh dan hailangtu a ni a ti ve thung.

France President hlui thusawi chungchangah hian Congress President Rahul Gandhi chuan Prime Minister Narendra modi chu a ruka inremna ti danglamah a puh a, PM chu India phatsantuah leh martyr sipaite thisen zah lohah a puh a ni.