Mizoram UPC Kohhran |halai Pawl Pentecostal Youth Department chuan Lawngtlai Vengpuiah Zirtawp zan a\ang khan General Conference vawi 24-na an hmang a, naktuk, Pathianni zanah a \iak ang.

0
263
views

 

A \an zan hian Lawngtlai Bialtu Pastor Lalhmachhuana’n palai lawmna inkhawm a kaihruai a, General Secretary, Rev. H. Lalrawnkima’n inkhawmpui Pathian hnena hlanna neiin Darlawn bialtu Pastor Lalngaizuala’n Pathian thuchah a sawi a ni.

Vawiin khan Pandal-ah rorel inkhawm neih a ni a, rorel tura ruat bik palai mi 690 ten ro an rel a, rorel lo tan Central YLA Hall-ah Revival inkhawm neih a nih bakah Lawngtlai Bazar Areopagy-ah Mual inkhawm neih a ni bawk.

Conference Agenda tura chhawpchhuah 37 zingah kum 2019 General Conference-na hmun atan Hnahlan chu ruat a ni a, kum 2020-ah Kawnpuiah neih tur a ni bawk. Rorel inkhawma an thu pawm zingah chuan inkhawmpui thlengtu puihna tihsan nise tih chu pawm a ni a, kumpuan thupui atan ‘Danglamna’ (Isaia 60:1) chu thlan a ni bawk. Kumpuan thupui pual hian Zirlaibu buatsaih tura pass a ni a, ruihhlo ngaite pualin rampum huapin chaw nghei \awng\ai neih tur nise an ti bawk.

Zanin inkhawmah Thlarau Thianghlim baptisma la chang lo te pualin hun hman a ni ang a, Tirhkoh Lalbiakkima Pautu-in rawngbawlna a nei dawn a, naktuk chawhma inkhawmah Rev. C. Lalawmpuia, chawhnu-ah Rev. Ngurthanpara Sailo leh zanah Rev. Vanlalsipaia ten Pathian thuhril rawngbawlna an nei dawn a ni.

He inkhawmpui-ah hian palai riaklut mi 1700 bawr vel an awm a ni.