Act Far East Policy tia vuah he hmalakna hi ni hnih thanga Russia a tlawhnaah a puang a, he hunah hian Russia President Vladimir Putin pawh a tel a, Modi chuan Russia ram khaw chhak lam far east hausakna haichhuah kawngah leh hmasawnna hna thawh kawngah Russia nen pheikhai rual takin India in hma a la dawn tih a sawi.
Eastern Economic Forum, Vladivostok-a neihah Modi hian Asia khaw chhak lam ram te nen Act East Policy hnuaiah thawh hona \ha tak India chuan a nei mek tih a sawi a, tuna Russia nena thawh dunna tur Act Far East Policy tia vuah hmalakna thar hian sumdawnna kawnga thawh dunna a ti nghet leh zual dawn a ni a ti.
