MNF \halai sawi danin, Sports Minister Pu Robert Romawia Royte chuan Dy. CM a sawipui hnuah kumin January thla khan DO Letter hmangin Chief Minister hnenah Khawzawl Field leh Zemabawk Field siam nan sum dah tura ngenna a thlen tih an sawi a, Chief Minister hian Sports Minister rawtna anga tifel turin UD&PA, Planning Secretary chu ziaka a hrilh hnuah March ni 29 khan field pahnih tan cheng nuai 700 ve ve a vaiin cheng nuai 1400 chu sanction a ni ta a ni an ti.
MNYF chuan, Sports Minister hian Khawzawl Football Ground siamna tur cheng nuai 700 chu Chief Minister leh Dy. Chief Minister-in Mizoram Sorkar Budget a\anga an ruahman a nih thu a sawi a, ama hmalakna angin thu a sawi lo a ni an ti a, Congress \halai chu Sports Minister ti hmingchhe thei zawnga thudik lo sawiah an puh a ni.
Hei bakah hian Saitual leh Hnahthiala Phullem phahna tur kum 2017-a sanction chu nikum May ni 7 khan NEC-in a tih tawp thu te sawiin, ‘2017-a Work Order pek tawh anga sawi chu Open Tender pawh ti lova Congress sorkarin an duhsak zawng Contractor an thawh tir zawk a ni an ti a, Congress sorkar lai vekin hnathawh lai pawh tih tawp vek a ni zawk tih an sawi, MNF sorkar tharin theihtawpa a nawr hnuah kumin August ni 21 khan chhunzawm phalna hmuh a ni ta niin an sawi.
