Indonesia West Papua-ah lungawi lohna lantirtute leh sorkar sipaite inkara tharum thawha inbeihna vangin mi 20 vel an thi a, thi zinga mi 3 Police te kahhlum an ni a, mi tam tak an hliam bawk.

0
41
views

Wamena khawpuiah pawh lungawi lohna lantira pungkhawm zingah mi 16 an thi a, sorkar pisa leh building dangte hal a ni a, building kanga tang kanghlum an awm bawk.

Tharum thawha mipui leh police te inbeihnaah hian Police pakhat a thih bakah hliam engemawzat an awm bawk a ni.

Papuan Student Alliance member te chu Cenderawasih University tualah an pungkhawm a, thuneituten hnawhdarh tuma an beihnaah mi tam takin nunna an chan a ni.

Zirlaite chuan lung hmangin police te an bei a, police te chuan mittui tlakna hlo an hmang ve thung nia sawi a ni.

Papuan Student Alliance hi Indonesia laka zalenna duha hmalatu pawl an ni.