UK, France leh German hruaitute \hukhawmin Saudi Arabia-a tuialhthei hmun beihnaa mawhphurtu chu Iran a ni ngei tih an sawi.

0
46
views

UK Prime Minister Boris Johnson-a’n Iran nen nuclear ralthuama an indawrna a\anga inhnuhdawh a tum thu a sawi hnuah heng ram pathum hruaitute hi \hukhawmin Saudi Arabia tuialhthei hmun beih a nih chungchanga mawhphurhtu nia an hriat an sawiho a ni.

Ram pathum, UK, France leh German te hi kum 2015-a Joint Comprehensive Plan of Action-a hming ziaktute an ni a, he Plan hi nuclear ralthuama Iran an dawrna kawnga inremna a ni.

United Nations General Assembly neihah Boris Johnson hian France President, Emmanuel Macron leh German Chancellor Angela Merkel te a kawm a, Saudi Arabia-a tuialhthei siamna hmun beihnaah Iran chu mawhphurtu a nih thu sawiin, Middle East-a innghirnghona tih reh tum turin Iran an nawr a ni.

Iran Foreign Minister Mohammad Javad Zarif chuan an puhna chu pha-in, helpawlte thil tih a ni a ti a, helpawl Yemen-a inkhuar te chuan beihna tur chhan \ha tak an nei a ni a ti bawk. Zarif chuan tuialhthei sawngbawlna hmun beihnaa Iran inrawlh anga sawi chu thil atthlak tak a ni a ti.