Inkharkhip chhunga tangkhangten harsatna an tawh leh kum 2016-a pawisa a tih thih chungchangah Shiv Sena-in Prime Minister, Narendra Modi kaihhruai BJP sorkar na takin a sawisel a, inkharkhip vanga inhlawhfa tangkhangten thla hnih chhung harsatna an tawh dan chuan kum 1947-a India ram indan tirha mipuite harsatna tawh kha a hriat chhuahtir tih a sawi.

0
64
views

Shiv Sena chuan kum 60 chhung khan thil tam tak tihsual a awm a, Congress-in sorkarna a chelh lai pawh khan tihsual an nei a, NDA sorkar pawhin tihsual a nei a, PM Modi chuan thil \henkhatah thutlukna siam sual lo mahse ram chhunga inkharkhip hman a nih a\ang khan mirethei, nitin eichawp dapten harsatna an tawk nasa hle a ni an ti a, he harsatna sutkian dan tur ngaituah turin Prime Minister Modi chu an duh tih an sawi a, inkharkhip chhunga nunna chan leh kum 2016-a pawisa tih thih chu engtinnge a lak leh theih ang tih Modi chu Shiv Sena hian an zawt a ni.

Sena chuan PM Modi-a’n hun kal tawha a thil tihsual, Jammu & Kashmir-a Article 370 hman lai a thiah te, triple talaq a hnawl te leh Ayodhya-a Ram temple sak tan a tumte chu hliah khuh a tum tih a sawi a, kum 1971-ah Pakistan leh Bangladesh lakah Indira Gandhi-i’n phuba a la, Rajiv Gandhi-a’n India ramah digital revolution lungphum a phum a, Narasimha Roa leh Manmohan Singh-ten ram chhung nasa takin sum dehchhuah kawngah hma an sawnpui a, heng zawng zawng hi a dik lo vek a nih chuan BJP-in engtin nge a tih dik dawn tih BJP chu an zawt bawk a ni.