Iran thlawhna tla keh them thenkhat hmu

0
648
views

Iran thlawhna tla zawngtute chuan vawiin khan thlawhna keh them thenkhat an hmu tih an thupuangtu-in a sawi. Niminpiah khan he thlawhna hi Zagros tlangramah a tla a, a chhunga chuang mi 66 te chu an thi vek a ni. Aseman Airlines EP3704 hi Tehran atanga a thlawh chhuah hnu minute 45 velah Pathianni khan a tla a, khaw awmdanin a zir loh avangin chhanchhuah hna thawktute pawhin an thawk tha hlei thei lo a, tukin lamah erawh hellicopter pahnih hmanga thlawhna tla zawngtute chuan a keh them hi an hmu ta a ni. IRIB reporter chuan Hellicopter pilot te thusawi sawi chhawngin, thlawhna keh chhe karah hian mihring ruang tam tak hmuh theih a ni a, thlawhna tla an hmuhna hmun hi Dena tlang metre 4,000 vela sang, Noghol khaw bulah a ni.