Ningani khan Nasiriya-ah security force ten mipui pungkhawm hnawhdarh nan silaiin an kap a, hetah hian mi 8 an thi a ni. Iraq mipuite hian kawngdung leh kawtthlerah te eirukna an duh loh thu auchhuahpuiin lungawi lohna an lantir a, sorkarin vantlang tana hmasawnna hna a thawh phutna leh \halaite tana hnathawh tur tam zawk siamsak phutin lungawi lohna an lantir a ni.
Lungawi lohna an lantir a\anga ni engemawzat a liam hnuah sipaite chuan silai hmanga mipui pungkhawm hnawhdarh an tum \hin vangin buaina lian tham tak a chhuak zui zel a ni.
Mipui pungkhawmte chuan Iraq sorkar fuih phura, an ram inrelbawlnaa inrawlhah Iran an puh a ni.
Sri Lanka-in Switzerland palai mana, a hren vangin Switzerland chuan Sri Lanka na takin a dem a, a thil tihdan chu a ngai urhsunin a ngaithiam thei lo tih a hrilh.
Switzerland Foreign Affairs Dept. thupuangtu chuan an ram palai hnathawk chu a duh anga a khawsak theihna kalhin hrenin a awm tih a sawi a, thu pawimawh hrilh tura phutin vauna a tawng nasa hle niin a sawi.
Hetihlai hian Switzerland-a Sri Lanka palai hna thawka awm mek chu Foreign Affairs Deptt.-in thil awmzia zawtfiah turin a ko a ni.
