Iraq Mosul-a ISIS hel pawlten India mi 38 an thah te ruang chu vawiin khan Amritsar thlenpui an ni

0
595
views

Iraq Mosul-a ISIS hel pawlten India mi 38 an thah te ruang chu vawiin khan Amritsar thlenpui an ni. Minister of State for External Affairs General VK Singh chuan nimin khan Indian Air Force bungraw phurhna hmangin ruang la tur hian Mosul hi a pan a ni. India mi 39 tih hlum te zingah hian a tam zawk chu in sakna hmuna thawkte an ni a, 27 chu Punjab mi an ni a, midang 4 chu Bihar lam mi an ni. General Singh-a hian heng India mi te ruang phumna zawn chhuah kawngah leh an ruang laih chhuahna kawnga Irag thuneituten an \anpui avangin India a lawm hle tih a sawi a, Sorkar chuan India mi chin hriat lova bo te awmna chin chhui chhuak turin a theihtawp a chhuah a ni a ti. Foreign Minister Sushma Swaraj chuan March ni 20 khan kum 2014 a\anga chin hriat lova awm tawh, India mi 39 te chu an thi vek tawh tih Parliament a hrilh a. Tunah hian an ruang lak a ni ta a ni.