US in ram dang a\anga a chawk luh Steel leh Aluminium ah te chhiah a tih san chu beiletin, China in US a\anga a chawk luh thil chi hrang 128 ah chhiah a ti sang. China US a\anga chawk luh a\anga chhiah a lak, a tih san zingah hian vawksa leh Wine lam chi te pawh a tel a, dollar tld 3 hu vel zet a tling a ni. Beijing chuan he thutlukna hi US in chhiah a tih san avanga China in a hloh hmuhletna tur leh China tana \ha ber tur ngaihtuaha siam a nih thu a sawi. China hian sumdawnna kawnga indo chu a duh loh thu a lo sawi tawh a, amaherawhchu a tuartu-a a \ang dawn a nih chuan a \ul anga hma a lak tur thu a lo puang lawk tawh thung. Trump-a chuan sumdawnna hmanga inbeih hi a \ha nia sawiin, US chuan awlsam takin hnehna a chang mai dawn niin a lo sawi tawh bawk. US thuneitute chuan China nena insumdawn tawnna kawngah Dollar Tld. tam tak hu chhiah ti sang turin ruahmanna an siam leh mek bawk niin BBC Corr chuan a sawi.
Chanchin Thar US-in thir a chawk luh atanga chhiah a tihsan vangin China-in US...
