Netanyahu hi Israel Prime Minister ni rei ber a ni tawh a, July thla khan a term thumna a luah \an a, thlawptu a ngah tawk loh avangin a hun hmain tunah hian inthlanna buatsaih a ni ta a, tun \umah hian Blue and White party hruaitu, army hotulu ber ni \hin, Benny Gantz chu a khingpui lian ber a ni.
Exit Poll round khatna ah Netanyahu kaihhruai Likud Party leh a thawhpuite chuan sorkarna siam theihna khawp thlawptu an nei dawn lo nia ngaih a ni a, exit poll pahnihte chuan Gantz-a party hi hma hruai mekah an hmu a, seat 34 chang tura an ngaih laiin Likut party chuan seat 33 hmu turah an ngai a ni. Inthlan result pangngai chu tun thla ni 25 ah tih chhuah tum a ni.
Tel Aviv-a amah thlawptute hmaah thu sawiin Gantz hian result pangngai a chhuah hun nghah phawt a \ul tih a sawi rualin hnehna chan ngei a inrin thu a sawi a, hetihlai hian Likud party hmunpui Tel Aviv-ah thu sawiin Netanyahu chuan \angrual sorkar din turin party tenau dangte nen inbiakna bul \an a ni tawh tih a sawi thung.
Israel Parliament Knesset ah hian seat 120 a awm a, party hrang hrang 31 zetin an chuh a ni.
