Venezuela sorkarin eptu party hruaitu Edgar Zambrano chu thla 4 chhung lung in-a a tan hnuah a chhuahtir.

0
451
views

Zambrano hi Venezuela eptu party hruaitu Juan Guaido-a tha chhangdawltu chiah a ni a, President Nicolas Maduro-a laka April ni 30-a sipaite an hel khan heng sipaite hi a thlawp avangin May thla khan man a ni.

An ram Attorney General Tarek William Saab chuan sorkar leh eptu hruaitute inremna angin Zambrano hi chhuah a ni tih a sawi a, Jail a\anga chhuah nimahse a thubuai erawh la ngaihtuah chhunzawm tur a ni a, ni 30 danah court hmaa inlan chhunzawm tura tih a nih bakah an ram a chhuahsan khap a ni.

Chhuah anih hnuah Zambrano hian politics thila tantir ve midang pali te chu chhuah ve turin sorkar a phut tih a sawi a, amah an man dan chu mihring inrukbo nena tehkhinin, a zan mu lai tute nge an nih insawi lo ten lehkha pawimawh engmah pawh tel lovin an man niin a sawi.

Eptu hruaitu Guaido chuan Zambrano chhuah a nih theih chhan chu khawvel ram dangten Venezuela sorkar an nawr vang a ni tih a sawi.

Venezuela ram politics hi a buai hle a, January thla khan Guaido hian May 2018-a president thlanna chu dik lo taka kalpui a ni tih sawiin, pawm theih a ni lo a ti a, hetihlai hian President Maduro chuan eptu te hi United States puihna-a buaina chawk chhuakah leh sorkar hneh chhuh tumah a puh ve thung a ni. Guaido hi US tiamin khawthlang lam ram \henkhatin an thlawp a ni.