Israel khawpui atan Jerusalem pawmpui turin Europe ram Israel PM-in beisei

0
353
views

Israel PM, Benjamin Netanyahu-a’n Israel khawpui atana Jerusalem pawmpui turin Europe ram dangte pawh a beisei thu a sawi a, Belgium khawpui, Brussels-ah he thu hi sawiin, America sorkarin Israel khawpui atana Jerusalem a pawmna chu ram dangte pawhin an chhunzawm zel a beisei thu a sawi. Tun hi Israel PM-in kum 20 chuang kal ta chhunga Brussels an tlawh vawi khatna a ni a, a thusawi chungchangah hian EU foreign policy hotu, Federica Mogherini-i erawh chuan, Israel khawpui atana Jerusalem pawm chungchangah hian an pawla tel ramte ngaihdan chu a danglam lo tih a sawi. Donald Trump-a thil tih, Israel leh Palestinian-te inkara boruak tisosang zualtu hian thlawptu a la nei vak lo a, Brussels a thlen hnuah Pu Netanyahu-a chuan America thil tih hi fakin, Jerusalem hi kum 3,000 chhung, Juda mite khawpui a lo nih tawh avangin, President Trump-a thil tih hi thil thar pawh ni lo, thil awm sa pawmna mai niin a sawi a, Europe ram dangte pawhin Israel rama an palai pisa-te chu Tel Aviv a\angin Jerusalem-ah an sawn thuai a beisei thu leh, hei hi Israel himna, muanna leh ham\hatna atan pawh thil pawimawh tak niin a sawi a ni. Puan tawh angin, President Trump-a hian Israel khawpui atana Jerusalem a pawmpui thu a puan b^kah, Israel rama US palai pisa chu Tel Aviv a\anga Jerusalem-a sawn a nih theih nana buaipui ngaite buaipui turin US state department a hrilh tawh niin a sawi.

EU foreign policy hotu, Federica Mogherini-i chuan, Israel khawpui chungchangah hian EU ramte ngaihdan la inthlak lo mah se, Jerusalem chungchangah hian ngaihdan thuhmun a awm theih nan \an an lak zel tur thu a sawi a, Palestine ram hi piang se, Israel nen hian an khawpui atan Jerusalem hi in\awm mai se, tih chu remna thlen theitu ber nia an ngaih thu leh, khawvel hmun hrang hranga Juda mite laka tharum thawhna thleng chu pawi a tih thu a sawi. Brussels a pan hma hian Netanyahu hian Paris-ah French President, Emmanuel Macron kawmin a titipui a, ani chuan West Bank-a Juda mite tana in a sak chu titawp tur leh, Palestinian-te nena boruak \ha neih dan tur ngaihtuah turin a lo ngen a ni. President Trump-a’n Israel khawpui atana Jerusalem a pawm thu a puan nghawng kal zelah, nimin thleng khan tharum thawhna a chhuak a, Lebanon khawpui, Beirut-ah chuan pung khawmten US embassy pan an tum avangin Police-ten mittui tl^kna hlo an hmang a, Jerusalem-ah pawh Palestinian pakhatin Israel sipai pakhat chu na taka a vih hliam avangin, a kut thlaktu hi man a ni. Inrinni zanah khan Sweden rama Gothenburg-a Juda biak in, synagogue-ah pawh thil engemaw, kàng lai vawm luh a ni a, Germany rama Berlin-ah pawh pung khawmten Israel hnam puanzar an hal a ni.