Kar thara sorkar \angrual lakluh a nih theih nan Benjamin Netanyahu leh Benny Gantz te hian infin si lova thawh dun an duh thu Supreme Court-ah an thlen a, kum thum chhung inremna hnuaiah Netanyahu chuan Prime Minister nihna thla 18 chhung a chelh ang a, hemi hnu hian Gantz chuan Israel sorkarah nihna thar a chhelhin prime minister nihna a chang ve dawn a ni. An inremna angin an nihna chu an inthlak kual ang a, cabinet pawh Netanyahu-a kaihhruai Likud Party leh Gantz-a kaihhruai Blue and White chu an inthlak kual bawk ang.
Israel hi kum 2018 December thla a\ang khan sorkar nghet nei lovin a kal char char a, an ram tla chhe tur ven nan politics-a thil la thleng ngai lo, party inhal tak \hin pahnihte chuan inremna siamin sorkar thar an din dawn ta a ni.
