ISRO Satellite kah chhuah biak pawh theih lohvin bo

0
345
views

Inbiakpawhna tih changtlunna tur Satellite ni 2 liamta-a India in a kahchhuah chu biak pawh theih lovin a bo tih thuneituten an sawi. India pum chhuak he satellite GSAT-6A hi sipaite inbiakpawhna ti changtlung tura duan a ni a, Indian Space and Research Organisation ISRO hotute chuan power lama buaina thleng vang niin an sawi. India hian kum 10 liamta chhungin Satellite dang tih chhiat a la nei lo a, ISRO chuan tuna satellite biak pawh theih lova bo mek, kg 2066 zeta rit, cheng tld 2.7 man zet hi biak pawh leh tumin an bei mek tih an sawi. GSAT-6A satellite hlawhtling taka kahchhuah hi van thengreng thiamna lama hlawhtlinna lian taka ngaih a ni a, Prime Minister Narendra Modi pawhin scientist te a lawmpui thu a sawi nghal a, tuna harsatna thleng ta hi van thengreng thiamna lama beihpui thlak chho mek India tan chuan thil pawi tak a tling a ni. kum 2014 khan India hian sikeisen heltu boruak lawng pakhat a kap chhuak a, a vawi khat tumna-a hlawhtling nghal awm chhun ram a ni nghe nghe a, hemi hnu hian February thla khan satellite chi hrang hrang 104 zet \um khatah kap chhuakin hei hian record dinglai kum 2014-a Russia in satellite 37 a kah chhuah chu a lo khum tawh bawk a ni.