Prime Minister, Giuseppe Conte chuan thupek thar ber hi vawiin khan a hming a ziah hnan a, Italy mipuite chuan hmun thenkhatah inkharkhip thlahdul hi a ranga lama hman duh hle mahse, Prime Minister Conte chuan hrileng thawh hnihna thleng thei pumpelh nan muangchanga inthlahdul tum a ni a ti.
Italy hi khawvela coronavirus tuar nasa ber pawl a ni a, mi 31,600-in an thipui tawh a, khawvel pumpuiah thi tamna ber ram 3-na niin, US leh UK dawtah a awm a ni. Tunhnai hian hri vei an tlahniam hle a nia sawi a ni.
Europe khawmualpuia inkharkhip puang hmasa ber Italy hian February atang khan inkharkhip a hmang tan a, tun thla ni 4 atang khan an inthlahdul tan a, factory leh park te hawn tan a lo ni tawh a ni.
Tun thla ni 18 atangin social distancing kalpui zel chungin dawr leh thingpui dawr te hawn tan a ni dawn a, Catholic biak in te pawh social distancing kalpui chunga Mass nei tan leh turin an inbuatsaih mek bawk.
