Ivanka Trump lo zin tur vangin himna beihpui thlak

0
435
views

US President, Donald Trump-a fanu, Ivanka Trump leh PM, Narendra Modi-a’n tun thla tawp lamah hian Hyderabad an tlawh dawn avangin, himna lamah nasa taka beihpui thlak mek a ni a, Falaknuma Palace an tih leh a chhehvel chu Naxal helho beitu, ‘Greyhound’ an tihte leh mi firfiakte beitu, ‘Octopus’ commando-ten an dap ngawrh hle dawn a ni. Hemi chungchang hi Special Protection Group leh US Secret Service miten an buaipui mek a, ram hruaituten zanriah an kilna tur, Falaknuma Palace hi kulh ang maia ven ngawrh dan tur leh, ral sai thiamte dahna turte an tifel mek a ni. Falaknuma bula veng pathum – Fathima Nagar, Farooqi Nagar leh Al Jubail Colony-a in zawng zawng pawh Police-ten dap chhuah vek an tum a, Ivanka Trump hian Charminar, Laad Bazar leh Chowmahalla Palace a tlawh dawn avangin, ven himna lama mawhphurtute chu an buai hle tawh a ni. Hyderabad South Zone DCP, V Satyanarayana chuan, Octopus leh Greyhound Commando-te rawih an nih b^kah hian chhungril zawka ven himna inthuah dan tur chu SPG leh US Secret Services mite duh dan ang a nih tur thu a sawi a, Taj Falaknuma leh a chhehvelah hian Police 3,500 vel dah an ni dawn a ni.