Jacob Zuma eiruk thubuai siam sak

0
284
views

South Africa President hlui Jacob Zuma chu kum 1990 chhova ralthuam leina kaihhnawihah eiruk thubuai siamsak a ni. Kum 75 mi ni tawh Jacob Zuma hi vawiin khan Durban High Court ah minute 15 chhung a inlan a, June ni 8-a ngaihtuah chhunzawm leh turin a thubuai hi dah a ni. Eiruk leh sum tih chingpen thubuai chi hrang hrang 16 siamsak a ni a, amah thlawptu mipui tam tak chuan a chungthu ngaihtuah a nih laiin kawng an zawh a, hetihlai hian thil chhut mi te chuan tunhma daih tawha thubuai hi siamsak tawh turah an ngai thung. Court tual a thlen hian Zuma hian mipui pungkhawmte chu nui sanga hmachhawnin, a kutzungpui a ti pir vah a, Zuma leh a danhremi te chuan Zuma puhna hi thu dik lo, politics thila inbeihna mai niin an sawi thung.