South Korea President hlui Park Geun-Hye chu a thuneihna hmangsuala puhna finfiah a ni

0
227
views

South Korea President hlui Park Geun-Hye chu a thuneihna hmangsuala puhna finfiah a ni a, kum 24 jail tang tura a chungthu rel a ni. Hremna thu puanchhuah hi Television ah Live-a pek chhuah a ni a, Park hi won Tld 18 chawi tura tih a ni bawk. A hremna puan anih lai hian Park hi Court ah a inlan lo a, a chungthu reltu Court hi lai taka rorel lovah a lo puh tawh a, tihsual engmah a nei lo nia insawiin, court thutlukna hi court sang zawka khinlet a tum thu a sawi a ni. Judge Kim Se-Yoon chuan rampumah harsatna leh buaina lian tak a thleng chung pawhin Park hian inchhirna engmah a nei lo nia a lan thu a sawi a, thuneituten Park-i hremna tur puan a nih lai TV-a tihlan an remti hi tunhmaa la thleng ngai lo a ni a, mipui ngaihven bik anih avanga live-a puangchhuak an nih thu an sawi. Park-i hi eirukna leh sum tih chingpen thubuai chi hrang hrang bakah thuneihna hmangsuala puhna te nen, thubuai 18 siamsak a ni a, heng zinga 16 ah te thiam loh chantir a ni a, chung zingah chuan a \hian hnai tak Choi Soon-sil nen inthuruala Electronics lama company lian Samsung leh lotte company ten Choi foundation-a Dollar maktaduai tam tak pek luih tira puhna pawh a tel.