Jammu and Kashmir Anantnag district a sipaite leh hel pawlte darkar 3 chuang an inkahnaah hel pawl mi 2 kahhlum an ni a, kahhlum zinga pakhat hi Hizbul Commander a ni tih sipaiten an sawi.

0
346
views

 

Hizbul Commander kahhlum tak hi tunge a nih tih puanzar a la ni lo a, kahhlum zinga pakhat zawk hi Altaf Kachroo nia sawi a ni. Helai bialah hian mifirfiak an tawm ru tih thu an dawn bawhzuiin sipaite hian khawvar hlimah, beihpui an thlak a, hel pawl mi pahnihte kahhlum an nih hnu hian buaina chhuak palh thei thlirin thuneitute chuan Anantnag leh Kulgam district hmun \henkhatah internet service an titawp nghal a, Srinagar leh Banihal inkara rel tlan pawh tihtawp nghal a ni.

Hetihlai hian vawiin khan Kashmir hmar lam Arhama hmunah mifirfiakten police te beiin police 4 an kaphlum a, mifirfiakte hian police te ralthuam an tlanbopui nghal a ni. Police te hi helai hmuna motor chhia siam tura kal an ni a, a hmun hi civil mi te tlawh pawh theih lova khar nghal a ni.