Jammu and Kashmir Kathua hmuna hmeichhe naupang kum 8 mi pawngsual hnua thah tak, nihna pholangtu Media thenkhat chu Delhi High Court in cheng nuai 10 theuh a chawi tir

0
187
views

Jammu and Kashmir Kathua hmuna hmeichhe naupang kum 8 mi pawngsual hnua thah tak, nihna pholangtu Media thenkhat chu Delhi High Court in cheng nuai 10 theuh a chawi tir. Heng media \henkhat hian vawiin khan Delhi High Court ah ngaihdam an dil a, Court chuan Jammu and Kashmir Victim Compensation Fund-a cheng nuai 10 \heuh chhunglut turin a hrem a ni. Media te aiawha ding Ukil chuan hmeichhe naupang pawngsual tawktu chu a thih tawh avangin dan an hriat loh vangin a nihna an lo puangzar palh niin a sawi a, Chief Justice Gita Mittal leh Justice C Hari Shankar te chuan zangnadawmna hi high Court Registrar hnenah hapta khat ral hmaa chhunglut turin a hriattir a, hei hi Jammu and Kashmir Legal Service Authority Account ah, Crime Victim Compensation Scheme-a chhunluh tur a ni. Court chuan pawngsual tawkte nihna thupsak chu danin a phut tih a zau thei ang bera puanzar tur a ni tih a thuremna ah a tarlang tel bawk.