Mara Autonomous District Council hnuaia Village Council 91 inthlanna nimina neihah Congress Party-in VC 56, MNF-in VC 16 leh BJP in VC 6 an la. Inthlan result an dawn hi MPCC Media Deptt. Chairman Pu James Thanghmingmawia chuan vawiin khan Aizawl Press Club-ah thuthar thehdarhtute a hrilh a, an VC lak 56 chu a pumpui a\anga chhuta za zela 61.54 a ni a, MNF VC lak 16 chu a pumpuia chhutin za zela 17.59 a ni a, BJP VC lak 6 chu za zela 6.59 a ni a ti. VC member thlan tlin inzat awm vanga chak ber awm lohna VC 13 a awm bawk. Puan tawh angin Mara Autonomous District Council hnuaiah hian VC 92 awm mahsela, Phura South VC 1-ah inthlanna boycott a nih avangin VC 91-ah inthlanna neih a ni. Hetihlai hian sorkar pawmpui, VC inthlan result erawh chu tih chhuah a la ni lova, inthlanna buaipuitu officer te chuan vawiin tlai dar 3 vel khan inthlan result hmuh loh tlem azawng an la nei tih an sawi a, hmuh kim vek hnuah official result chu State Election Commission-ah a thehluh theih chauh dawn niin an sawi a ni.
