Jammu Kathua hmuna hmeichhe naupang kum 8 mi rawng taka pawngsual rawna thah zui thu-ah Supreme Court-in rorelna dik kenkawh a tul thu sawi

0
324
views

Jammu Kathua hmuna hmeichhe naupang kum 8 mi rawng taka pawngsual rawna thah zui thu-ah Supreme Court-in rorelna dik kenkawh a tul thusawiin, hei hi a theih dawn lo nia a lan chuan he thubuai hi hmun danga ngaihtuah a ni ang tih a sawi. He thil thleng runthlak tak, mipui thinrimna nasa tak thlentu hian vawiin khan Supreme Court beng a thleng ta a, hmeichhe naupang chhungte aiawha ding Ukil chuan Jammu a Ukil rualte lak a\angin harsatna a t^wk tih Supreme Court ah hian a thlen a ni. Chief Justice of India Dipak Misra chuan he thil thlengah hian rorelna dik taka kenkawh a nih ngei chu a ngaihpawimawh hmasa ber a ni tih a sawi a, hmeichhe naupang chhungte leh an aiawha ding Ukil te venhim pawh a \ul anih chuan tih ngei ngai a ni a, thubuai hi a \ul chuan hmun danga ngaihtuah turin transfer a ni ang a ti. Hmeichhe naupang chhungten Supreme Court-a an thu thlen chu Chief Justice of India Dipak Misra kaihhruai bench chuan naktuk hian a ngaihtuah dawn a ni. Hmeichhe naupang pa hian an chhungkua leh an ukil Deepika Rajawat te chuan vau an tawk tih sawiin Supreme Court hi inrawlh turin a lo ngen tawh a, Jammu and Kashmir Police te thil chhui danah a lungawi thu a sawi rualin Jammu Ukil te chet dan thlirin thubuai chu Kathua atanga Chandigarh a sawn turin Supreme Court hi a ngen a ni. Hmeichhe naupang rawng taka pawngsual leh thah a nih chhan hi Jammu-a Hindu cheng ten Muslim hnam tlem zawk Bakerwal mi lehy sa te um chhuah an tum vang niin Jammu Police te chuan an sawi.