Fakselna 26th April, 2018

0
484
views

Ramri chungchangah Mizote kan \anrual a ngai hle. Kum 1933 kan tel lova RAMRI SIAM ang hian tuna kan luah chin pawh a hum zawh a rinawm love.
Duata pu
————-

Chakma Area-a MDC ngah ber nih vanga MNF an lawm leh an han pawr vak hi mak ka ti. Tun hmaa an thusawi leh an party, Mizo party bik viaua an sawi \hin pawh engmah a nih bik loh zia an tilang ta a ni e.
Lalthawvenga
————

CADC saw duh aiin MNF leh Congress hian an la thu tak mah mah ka ti. MLA pakhat chauh nei an ni. An tal talin tal tir mai mai rawh u.
VL Ruata
————-

Kan ram politics mai mai tak chu le. Congress emaw, MNF emaw, BJP leh a tuate mai pawh lalna ringawt mai buaipui an nihzia a lang chiangin RAM LEH HNAM hmasawnna chu a them pawhin an vei lova, an buaipui hek lo a lo nih hi. Rin ngam an ni hlawm lem lo tih chu hre sa tho mah ila, hetiang em ema le lo an ni hi chu rilru chhungril hian a phal lovin kan ring ngam lo a sin le. Inthlannaa vote thlak duh loh hi ‘dan kalh’ an ti maw? Duh leh lo kalh mai mai teh se. Chakma te pawh phar mai mai tur thlan hi ka duh chai lo mai.
Ronald VLC
————

Keizawng Pu Zoramthanga leh Pu Lal Thanhawla hi mi pangngai hmuhin ka hmu thei tawh der lo mai.
Lawma Pa
———–

Nizan chanchin thara CADC thlanthlinte BJP leh Congress ten sorkarna in\awm siam an tum ta mai chuan mi mak tih a hlawh dawn hle mai le. Pu JV Hluna’n mawh a phur ngam dawn em ni ang?
Aizawl pa
————

Khawthlang lam MLA bial fang chu a tlawh tur khua tlangauin “vawiinah MLA a lo kal dawn a, chhungkaw aiawh pakhat talin lo hmuah tur, hei hi ni za inhlawhnaah rin nghal tur a ni a, hming pawh lam tur a ni ang” tihluihnain MLA an hmuak a ni ber e!
Pa Mawia
————

YMA-te hi Mizoram ramri ngaihsaktu ber an ni a, MLA thlan lo awm turah hian ding ve rawh se, a van \ha dawn em.
8974797283
———–

Chawngte lam inthlan boruak vel hian MZP hmalakna kal lai ramri vel hi hliahkhuh lo se, hmalak chhunzawm zel ni se a duhawm hle mai. Dik taka enfel a nih chuan Assam lam chan a chhe dawn tih kan \henawmte hian an hriat avanga hma an la zui duh lote hi kan sorkar hian hrethiamin chak zawkin hma la ve thung se a va \ha dawn em.
LT Ralte
———–

Tute Party-in emaw an thawhpui dawn chuan BJP hi an hlauhawm a. Kan lal theihna tur a nih dawn chuan hlauh chu sawi loh, mawngzawmpui kan duh leh em em a. Neutral mit a\anga thlir chuan a tenawm a, a Kristian lo em em bawk.
9774354495
————

Party inhal ber leh inbei na ber, BJP leh Congress, India ramah pawh thil mak tia sawi theih tur record chu tun Chawngtea CADC inthlannaah Congress dik lohna haichhuak tura kan ngaih BJP nen an thawk dun ta rup mai le!! CADC sum cheng vaibelchhe 60 zet bo mahse, BJP-te hian an lungrualpui theih mai dan a\angte leh an hotupa ber thusawi dan a\angte hian dikna aiin lalna an ngaihpawimawh hmel zawk niin alang. Central BJP hian eng ang takin ngai ang maw? Pathian chauh lo chu thawhpui kan neih a ngai lo. Diknaa rorel ngam hi a ni kan ramin a mamawh chu. Zoram harh rawh.
Tlabung Uitangrual
————-

Eng kan ti ta nge ni kan BJP hotupa-in Central lama kan hotuten Congress nena \an dun an phal lo ti zo chauha, hniak phawi lova dawt let tawp an sawi chu le? Tunge maw a thu sawi ring ngam tawh ang le?
RODY PA
———–