JDU-in an party atangin Sharad Yadav thlawptu mi 21 chawlhtir, MP hlui leh Minister hlui pawh tel

0
659
views

Bihar-a rorel lai, Janata Dal-United (JD-U)-in vawiin khan an party mi 21 chu party duh dan kalha thil ti-ah ngaiin a chawlhtir a, an zingah hian Minister hlui, Ramai Ram leh MP hlui, Arjun Rai pawh an tel a, hengte hi state CM, Nitish Kumar-a’n sorkar siamnaa BJP a thawhpuina dodaltu, Pu Sharad Yadav-a thlawptute an ni. Bihar JD-U President, Vashistha Narayan Singh chuan heng an party mi 21 hi an pawl primary member an nihna hlihsak an nih thu a sawi. Inrinni khan JD-U hian Pu Sharad Yadav-a hi Rajya Sabha-a an party hruaitu a nihna hlihsakin, a hmun luah tur hian state CM, Nitish Kumar-a hnungzuitu rinawm tak, RCP Singh chu an dah a, Zirtawpni khan an party atanga Rajya Sabha member, Ali Anwar Ansari pawh Congress President, Pi Sonia Gandhi-i’n eptu pawl hruaitute a koh khawmnaa a tel avangin JD(U) parliamentary party atangin an chawlhtir bawk a ni.