JeM mi firfiak pawlin hruaitu thar nei

0
378
views

Kashmir phairuama Jaish-e-Mohammad mi firfiak pawl hruaitu atan Noor Mohammad Tantray ruat a ni a, amah hi ralthuam keng reng, mi hlauhawm leh firfiak tak, feet thum chauha sang a ni a, kum 47 mi a ni. Amah hi tun hnaia Jammu and Kashmir-a an pawl pawi khawihnate pawh ruahmantu a ni a, Pulwama district-a Tral khaw chhuak a ni. An hruaitu, Khalid-a chu tun hnaiah thah a nih avangin Tantray-a hian a thlak a, ani pawh hi kum 2003 khan Delhi-ah man a ni tawh a, POTA court-in dam chhung tang tura a tih tawh a ni. Tun hnai khan chhuah lailawk a ni a, hei hi remchanga hmangin Jaish-e-Mohammad hi a zawm leh a ni. Noor-a hi Jaish hruaitu, Commander pakhat, Ghazi Baba an tih chuan an pawlah a sawm l<t a, Baba hi kah hlum a nih hnuah 2003 August ni 31 khan Noor-a pawh hi man a ni a, a mantu, Delhi police-te chuan a kut a\ang hian tangkafai, cheng nuai 19 an man tel a, Delhi-a Tihar jail-a an dah hnuah Srinagar lung inah an sawn leh a ni. Jammu and Kashmir High Court-in kum 2015 khan chhuah lailawk a phalsak a, hei hi vawi tam tak pawh sei a nih hnuah thla thum kal ta khan Jaish-e-Mohammed pawl hi a zawm leh ta a ni.