Jharkhand Assembly bial 13-a inthlanna chu tukin khan neih a ni a, tun \uma inthlanna hi Bihar a\anga \henhran a nih hnu, kum 2000 a\anga inthlanna neih \um 4-na a ni.

0
144
views

Jharkhand-ah hian vote nei mi 37,83,055 awmin chung zinga 18,01,356 chu hmeichhia a ni. Jharkhand-ah hian rorel lai sorkar chu BJP niin, \anrualpui nei lova inthlan an chuh \um khatna a ni. Inthlan thawh khatna bial 13 ah hian candidate 189 an awm a, an zinga 15 chu hmeichhia an ni.

Latehar leh Manika-ah tun hnai khan Maoist hel pawl an chet vangin District thuneitute chuan assembly bial pahniha inthlanna neih chhungin venhimna khauh takin a kal pui a ni. Bial 13-a inthlanna thawh khatna neih a nih laiin, Gumla District-a Bishnupur lei chu tukin khan Maoists helpawlten an bomb a, thi leh hliam an awm loh bakah inthlanna a tibahlah chuang lo tih Police ten an sawi.

Assembly bial 81 awmna Jharkhand ah hian inthlanna hi thawh 5-a neih tur a ni a, BJP, AJSU, JVM, JMM leh Congress party te chu party lian zual an ni a, kum 2014 ah khan BJP chuan All Jharkhand Students Union AJSU thawhpuiin seat 81 awmah BJP in seat 37 leh AJSU in seat 5 an la a, MLA 42 neiin sorkar siam thei tura MLA neih ngai zat 41 chu an khum chiah chiah a ni.